Ginbawian sang kabuhi ang kapin 48 ka tawo matapos natiphag ang illegal nga minahan sang gold sa Kéniéba, sa West nga bahin sang pungsod Mali. Ang mga biktima ang nagpadulong sa bukas nga bahin sang minahan agod mangita sang nabilin nga mga gold apang hinali natiphag ang duta, suno sa Gold Miner’s Union Leader. Halos sa mga nagtaliwan amo ang mga kababaenhan, lakip na ang isa ka iloy bitbit ang bata sini. Nahibaluan nga ang Mali ang isa sa pinakadako nga gold producers sa bilog nga kalibutan. Ang kaangay nga aksidente ang masami nga gakatabo sa pungsod bangod madamo sang mga mining activity nga wala gina-regulate, lakip na ang indi safe nga pamaagi sang mga minero. Nakaandan sang mga illegal nga minero nga mangita sang nabilin nga gold sa gin-abandonar nga minahan bangod sa kapigaduhon.
