PROVINCIAL CAPITOL – Wala pa ma-finalize sang Provincial Joint Security Control Center kun may igadeklarar nga area of concern sa probinsiya sang Negros Occidental may angot sa May 12 National and Local Elections.
Ini ang ginpahayag ni Comelec-NIR Regional Election Director Atty. Lionel Marco Castillano kasunod sang ginpatigayon nga PJSCC Provincial Coordination Conference sa Bacolod City, Martes sang aga.
Ini bangud may isa ka lugar sa probinsiya nga ginakonsiderar ang Philippine Army nga mangin area of concern bangud sang local nga issue nga ginsakyan sang komunista nga grupo.
Wala naman naghatag sang dugang nga detalye ang RED apang ginpanugyanan sini ang mga katapo sang PJSCC nga liwat magsapol kag ginpahanumduman nga kinahanglan may angot sa piniliay ang issue sa lugar antes ini madeklarar nga election area of concern.
Sa karon, Green ukon generally peaceful ang assessment sang PNP sa Negros Occidental may angot sa eleksyon.
