NEGROS OCCIDENTAL -Nakarekord ang Philippine Institute of Volcanology and Seismology (PHIVOLCS) sang 19 ka volcanic earthquakes sa Bulkan Kanlaon humalin Pebrero 18 tubtob las -12 sang kaagahon sang Pebrero 19, 2025.
Base sa 24 oras nga monitoring sang PHIVOLCS, nagbuga ang bulkan sang 3, 503 ka mga tonelada sang sulfur dioxide mas manubo ini sang sa narekord tinalikdan nga adlaw sa diin nagdangat sa 4685 tonnes a day ang ginbuga sini nga asupre.
Naglab-ot naman sa 200 ka metros ang kataason sang plume nga nagagwa halin sa baba sang bulkan padulong sa west kag southwest nga direksyon.
Nagapadayon naman ang ground deformation sang nasambit nga bulkan.
Sa karon, padayon nga ginadumilian ang pagpalupad sang ano man nga sahi sang aircraft malapit sa baba sang bulkan.
Ginaabisuhan ang tanan nga may posibilidad sa gihapon sang gulpi nga paglupok sang bulkan, pag-ilig sang lava, pag-ulam sang abo, Pyroclastic Density Current (PDC), rockfall kag pagbaha sang lahar kun may mabaskog nga pag-ulan.
Nagpabilin sa gihapon sa alert level 3 ang Mt. Kanlaon.
