Nagapati ang Philippine Army 3rd Infantry Division (3ID) nga wala sang kapasidad ang mga remnants sang New Peoples Army (NPA) nga magpangsabotahe sa adlaw sang eleksyon.
Sa interview sang DYHB kay 3ID Spokesperson LtCol. J-jay Javines, ginpahayag sini nga hugot sila nga magabantay sa mga lugar nga ila nahibaluan may presensya sang mga rebelde samtang nagapalapit ang May 12 National ang Local elections
Sa karon wala pa na-update ang una ginpagwa sang Commission on Elections (COMELEC) nga areas of concern sa diin napaidalum sa Yellow Category ang banwa sang Isabela kag San Enrique samtang yara naman sa Orange Category ang Calatrava, Cauayan kag Sipalay City.
Suno kay Javines mabudlay pangitaon ang mga remnants bangud nagapanago ang mga ini sa mga suludlon nga barangay kag sa mga kabukiran.
Sa karon, prayoridad sang mga militar nga ma-clear ang mga area nga may presensya kag impluwensya sang mga NPA.
