Ginkilala bilang Best Radio News Report of the Year ang entry ni Radyoman Prime Tejida nga “Kalamidad Nangin Oportunidad: Ang bentaha sang tig-ilinit kag ang pagbangon matapos ang paglupok sang Bulkan Kanlaon” (Calamity Turned Opportunity: The Benefits of the Drought and The Rise After the Ashfall) sa 11th Globe Media Excellence Awards (GMEA).
Sa resulta nga ginpagwa sang GMEA sini nga adlaw, Pebrero 24,2025, gin-anunsyo nga sa siyam ka mga finalist sa nasambit nga category, nakuha ni Radyoman Prime ang first Place.
Ginsundan ini sang entry sang K5 news FM kag DYHP RMN Cebu.
Ang GMEA sini nga tuig amg nagasaulog sang talalupangdon nga mga kadalag-an sa tatlo ka division nga amo ang Integrated Media, Digital Storytelling, kag Special Awards.
Ang tema subong nga tuig amo ang “#IgnitingProgress,” sa diin ginpili ang mga finalist pinaagi sa ila creativity, impact kag innovative application sa patag sang digital media technologies.
Congratulations, Radyoman Prime! ‘Yan ang tatak RMN!
