Ginbawian sang kabuhi ang isa ka lola matapos nga ginbuno sang iya kaugalingon nga apo, Domingo nga adlaw, Pebrero 23 sa SP Village, Barangay Pahanocoy sa ciudad sang Bacolod.
Ang biktima ang ginkilala nga si alias ‘Erna’, 66-anyos; samtang ang suspetsado amo si alias ‘Jerian’, 19-anyos, nga pareho residente sa amo nga lugar.
Base sa nakuha inisyal nga impormasyon sang Bacolod City Police Station 8, ulihi na ginreport sa ila talatapan ang amo nga pagpamuno, kun sa diin nahibaluan nga hinali lang ginbuno sang apo ang iya nga lola sa wala matumod nga rason.
Ginhingagaw dala sa ospital si Erna apang ini ang gindeklarar nga dead on arrival.
Gina-alegar naga-suprer sang mental illness ang suspetsado.
Temporaryo nga nahunong sa PS8 si Jerian para sa nagakaigo nga disposisyon.
