Halos nag-triple ang narekord sang Philippine Institute of Volcanology and Seismology (PHIVOLCS) nga pagbuga sang sulfur dioxide sang bulkan Kanlaon kahapon nga adlaw, Pebrero 24 tubtob las-12 kaina sang kaagahon, Pebrero 25, 2025.
Naglab-ot sa masobra 6,000 ka tonelada sang asupre agng ginbuga sini kahapon, halos triple ang kataason kun ipaanggid tinalikdan nga mga inadlaw sa diin naga-range ini sa 1, 993 tubtob 6,534 tonnes a day, sa sulod sang isa ka semana nga monitoring.
Magluwas diri, lima naman ka volcanic earthquakes ang nabalhag sa bulkan kahapon nga adlaw.
Wala naman nahibaluan kun ano ang kataason sang plume nga nagwa sa baba sang bulkan pati na ang direksyon sini bangud natakpan ini sang panganod.
Nagapadayon naman ang ground deformation sang bulkan sa ini nga mga tinion.
Sa karon, padayon nga ginadumilian ang pagpalupad sang ano man nga sahi sang aircraft malapit sa baba sang bulkan.
Ginaabisuhan ang tanan nga may posibilidad sa gihapon sang gulpi nga paglupok sang bulkan, pag-ilig sang lava, pag-ulam sang abo, Pyroclastic Density Current (PDC), rockfall kag pagbaha sang lahar kun may mabaskog nga pag-ulan.
Nagpabilin sa gihapon sa alert level 3 ang Mt. Kanlaon.
