Ginpasalamatan ni Victorias City Mayor Javi Benitez ang Alyansa ng Bagong Pilipinas bangud sang madinalag-on nga pagpatigayon sang Campaign Rally sa ciudad.
Suno kay Benitez, malipayon siya sa kadamuon sang tawo nga nagbuylog sa nasambit nga aktibidad.
Ginpahayag pa sini nga makabig nga historical moment ini para sa mga Victoriasanon.
Nagapati si Mayor Javi nga nagatinguha gid ang National Government para sa ikaayo sang Pilipinas.
Nagasalig man siya nga indi gid pagkalimtan sang grupo ang Negros Island Region ilabi na sa mga patigayunon nga development programs.
