Ginlunsar sang ciudad sang Bacolod ang National Arts Month 2025 celebration kahapon, Pebrero 24 sa Ayala Malls Capitol Central.
Ang nasambit nga kahiwatan ang may tema “Ani ng Sining: Diwa at Damdamin (Paghugpong sang Bacolod pinaagi sa Taliambog)” nga gin-organize sang Bacolod City Tourism Office.
Gina-feature sa ini nga exhibit ang nagkalain-lain nga artistic expression, kaangay sang painting, sculpture, architecture, photography, pati na ang ebolusyon sang Filipiniana fashion.
Isa ka special mask painting session man ang gin-offer bilang art therapy para sa mga attendees.
Ang ini nga exhibition ang magalawig tubtob Pebrero 28. Nahibaluan nga 17 ka mga local exhibitors ang nag partisipar kag nag display sang ila mga ginapabugal nga obra.
Ang opening ceremony ang ginbuylugan ni Chief Tourism Operations Officer Ma. Teresa Manalili, Chairperson of the SP Committee on History, Culture, and Arts nga si Councilor Em Ang, Chairperson of the SP Committee on Tourism, Councilor Jason Villarosa.
Tinutuyo sang ini nga event nga mahatagan sang kahigayunanan ang mga local artists nga maipakita sa kadam-an ang ila craftsmanship.
