Nagbisita si United States Ambassador MaryKay Carlson sa Provincial Capitol sang Negros Occidental, Martes sang aga.
Si Ambassador Carlson ang nakigsapol kay Governor Eugenio Jose Lacson upod si Provincial Administrator Atty. Rayfrando Diaz II.
Suno kay Atty. Diaz, nalakip sa ila ginhambalan ang nabilin nga mga priority projects ni Governor Bong sa nabilin nga isa ka termino sa Capitolio.
Ginpalayag ni Lacson ang water and sanitation projects, lakip na ang Negros Occidental Bulk Water Supply Project, nga luyag sini maestablisar para sa benepisyo sang masunod nga mga henerasyon.
Samtang, ginpasiguro naman ni Ambassador Carlson nga magapabilin ang pag-abyanay kag kaangtanan sang Pilipinas kag Amerika sa idalom sang Trump administration.
Ginpabutyag man sang US diplomat nga indi dapat magkabalaka ang mga Pilipino sa pagpauntat sang Amerika sang foreign assistance kag sa baylo, ginpasiguro nga magaabot gid ini.
