Ang pagsuksok sang eyeglasses kada adlaw ang makabig hassle na para sa iban amo kun ngaa ila nalang ginapakamaayo nga magsuksok sang contact lens . Mas mag-an kag mas mahapos. Indi magnubo sa lima ka mga contact lenses ang nakuha sang mga plastic surgeons sa mata sang isa ka 33-anyos nga Chinese nga babayi. Una na nga nagpalapit si Ms.A sa isa ka Plastic Surgery Hospital sa Beijing, China agud ipabulong ang iya hemifacial atrophy agud magtupong ang duha sini ka guya. Diri nakita sa iya initial examination nga nagalubog ang wala nga bahin sang iya eyeball. Pagkatapos sang maid-id nga pag-check sang mga doktor, gingamit sang mga ini ang “autologous fat grafting” para mahatagan sang volume ukon ma fill-inan ang naglubog nga parte sang iya itsura. Ulihi na nga nakita sang mga ini ang nagasinampaw nga contact lenses samtang naga grafting sila sang tambok sa hawan nga parte sa bahin sang eyeball sang pasyente. Kag diri ginpahayag ni Ms. A nga makapila ka beses na siya nadulaan sang contact lens. Suno sa mga doktor, maayo lang bangud wala ini sang mas lala nga nangin epekto sa lawas sang pasyente pero kun nadugayan pagid ini, posible nga mangin dako ini nga risgo sa iya nga ikaayong lawas kaangay na lamang sang corneal wounds kag microbial infections. Ang Hemifacial atrophy ang isa ka kondisyon sa diin ang fatty tissue sa sulod sa palibot sang eyeball sang tawo ang nagalubog.
