Gina-alegar naimpinto ang e-bike driver rason nga iya ginbuno ang biktima gamit ang barbeque stick sa Purok Fire sakop sang Barangay 8 sa ciudad sang Bacolod, pasado las-2 sang hapon, Pebrero 25.
Ang biktima ang ginkilala nga si Patrick Marañon, samtang ang suspetsado amo si Ringo Ragomeo nga pareho residente sa amo Barangay.
Ginpahayag ni Ragomeo, masami nga ginpabati-batian ini sang biktima sang nagkalain-lain nga mga tinaga rason nga iya ini nabuno, apang antes pa man ang insidente, sila ang nagkomprontahanay sang Pebrero 24 sang gab-i.
Gin-ako sang suspetsado nga iya ginbuno ang biktima gamit ang barbeque stick, kag sila pa ang nagtapungulay matapos ang amo nga insidente.
Gina-alegar ni Rogomeo nga nagpalagyo ini matapos ang pagpamuno bangod tuyo kuntani ini nga pulihan sang mga residente sa lugar.
Natigayon nga maaresto ang suspetsado bangod ini ang nagdalagan padulong sa Barangay Hall, kag handa man ini nga mag-atubang sa ano nga kaso nga ipasaka sa iya.
Samtang, gindapatan naman sang nagakaigo nga pagbulong ang biktima.
