Aminado si Provincial Administrator Atty. Rayfrando Diaz II nga nagapabilin nga pagpanghangkat ang gina-proponer nga water rates sang lone bidder sang Negros Occidental Bulk Water Supply Project.
Suno kay Atty. Diaz, yara sa P24 per cubic meter ang taripa nga gina-propose sang First Balfour Inc., nga consortium upod sa Victorias Milling Company kag FPIP, samtang yara lamang sa P14 per cubic meter ang gina-ekspektar sang mga local water districts.
Suno sa provincial administrator, ila ginatinguhaan nga mangin acceptable para sa mga pumuluyo ang water rates sa idalom sang bulk water supply project, nga isa sa mga priority projects ni Governor Bong Lacson.
Nahibaluan nga nagapadayon ang post-qualification sa technical kag financial capacities sang lone bidder.
Target nga ma-award kag masugdan ang proyekto sa bulan sang Mayo.
