Ginaplano nga ipagamit ni Bacolod City Mayor Albee Benitez ang mga National Housing Authority (NHA) units nga nahamtang sa Barangay Felisa pananglitan mangin kinahanglan na sang mga evacuees sang mas malayo nga lugar para sa ila seguridad sa tion magtaas pa ang aktibidad sang Bulkan Kanlaon. Ginpahayag sang alkalde nga madamo ang abandonado kag unoccupied nga units ang NHA kag nagre-request na init sang impormasyon may angut sa status sang mga nasambit nga housing units para makuha sang ciudad kag magamit. Suno kay Benitez, kinahanglan lamang sang gamay nga pagkay-o sa mga units kag sarang ini magamit sang mga evacuees. Nagapati naman ang alkalde nga wala na sang tag-iya ang mga units bangud abandonado na ang mga ini. Nahibaluan nga ang nasambit nga housing project ang para sa mga Uniformed Personnel sang Armed Forces of the Philippines (AFP) kag Philippine National Police (PNP). Madumduman nga una na ginpahayag sang Bacolod City LGU NGA may yara na sang napreparar nga evacuation centers ang ciudad nga nahamtang sa Barangay Taculing kag Barangay Vista Alegre.
