Ginbawian sang kabuhi ang isa ka estudyante matapos maaksidente sakay sa iya nga motorsiklo, pasado la-una sang kaagahon sa Purok Nami-nami 1, Barangay Sum-ag sa ciudad sang Bacolod, Pebrero 27.
Ang biktima ang ginkilala nga si alias Jun, legal ang edad, kag residente sang Bago City.
Base sa ginpahayag ni Police Lieutenant Colonel Ramel Sarona, head Bacolod City Police Office- Traffic Management Unit, ila pa gina-verify ang impormasyon natuhoy sa alegasyon nga nakainom sang makahulubog nga ilimnon ang biktima.
Ginpatihan madasig ang pagpadalagan sang biktima sang iya nga motorsiklo nga padulong kuntani sa balay sang iya nga nobya, rason nga nadulaan ini sang kontrol kag nagresulta sang pagkatumba sini kag pagkaagom sang head and body injury nga nangin tunaan sa iya kamatayon.
Dugang pa ni Sarona, self inflected ang amo nga aksidente.
