Isa ka anay pulis ang lalaki nga gintiro kaina sang aga, Pebrero 27,2025 sa taytay sang Purok Michelle, Barangay Dulao, Bago City
Nahibaluan nga na-dismiss lang ini sa trabaho bangud sang kaso nga murder nga ginpasaka sa iya sadtong 2015.
Ang biktima sang gikilala kay Reynaldo Bernil, isa ka anay SPO2 nga na-assign sa banwa sang Manapla sang 2015 kag karon nagadumala sa isa ka poultry farm sa Barangay Dulao, Bago City.
Una na nga gin-report sa DYHB nga nakita sang pila ka mga saksi malapit sa lugar nga gindul-ong pa sang biktima ang iya anak sa eskwelahan takna las-7 kaina sang aga.
Kag sang nagabyahe ini pabalik sa poultry farm, didto ginaalegar ginbantayan kag ginpaarakan siya luthang sang indi magnubo lima ka mga persona.
Nahibaluan nga ang biktima ang imbolbado sa pagluthang sa iya tiyo nga SPO4 sa Barangay Poblacion, EB Magalona tinalikdan nga Pebrero 20, 2015.
Pahayag sang mg kaupod sini trabaho sa poultry, bag-o lang sa lugar si Bernil.
Santo sa interview sang DYHB sa hepe sang EB Magalona PNP, na-dismiss ang kaso nga murder kontra kay Bernil bangud sang kakulangun sang ebidensya.
Padayon naman nga gina imbestigaran sang PNP ang nasambit nga krimen kag kun bala may kaangtanan ini sa iya una nga kaso.
