Ginbawian sang kabuhi ang 53 ka tawo sa pagpang-atake sang Amerika sa Yemen lakip na ang lima ka mga kabataan, suno sa health ministry sang Houthi rebels. Ginpahayag sang Amerika, sila ang naglunsar sang lapnagon kag mabaskog nga air strike nga naga-target sa mga Houthi, kun sa diin suno kay President Donald Trump, ang amo nga pag-atake ang gin-ugatan sang pag-atake sang rebelde nga grupo sa mga barko sa Red Sea. Suno sa Washington, pila sa mga may matag-as nga posisyon nga Houthi ang nagtaliwan sa pagpang-ataks, apang wala nagkompirmar ang grupo. Ang lider sang Houthi nga si Abdul Malik al-Houthi nagsiling nga ang iya mga militante ang maga-target sang mga barko sang Amerika sa Red Sea kun padayon ang ila pagpang-atake sa Yemen.
