Ano bala ka kululbaan ang pagsakay sa eroplano? may mga tawo nga sa pagtake off palang, ginahawa na. May iban nga ginakulbaan kun may turbulence. Apang ano bala nga maintenance ang dapat ikonsiderar sang airlines agud masiguro nga safe kag indi ma-hassle ang mga pasahero? Base sa isa ka report, nagbalik sa Estados Unidos ang isa ka eroplano nga padulong kuntani sa India pagkatapos sang 10 ka oras sa kahawaan bangud sang barado nga inodoro. Suno sa pila ka media outlets kaangay sang Press Trust of India kag Hindustan Times, ginkumpirmar sang Air India ang pagbalik sang eroplano bangud sang “technical issue.” “𝘈𝘭𝘭 𝘱𝘢𝘴𝘴𝘦𝘯𝘨𝘦𝘳𝘴 𝘢𝘯𝘥 𝘤𝘳𝘦𝘸 𝘥𝘪𝘴𝘦𝘮𝘣𝘢𝘳𝘬𝘦𝘥 𝘯𝘰𝘳𝘮𝘢𝘭𝘭𝘺 𝘢𝘯𝘥 𝘩𝘢𝘷𝘦 𝘣𝘦𝘦𝘯 𝘱𝘳𝘰𝘷𝘪𝘥𝘦𝘥 𝘸𝘪𝘵𝘩 𝘢𝘤𝘤𝘰𝘮𝘮𝘰𝘥𝘢𝘵𝘪𝘰𝘯 𝘵𝘰 𝘮𝘪𝘯𝘪𝘮𝘪𝘻𝘦 𝘪𝘯𝘤𝘰𝘯𝘷𝘦𝘯𝘪𝘦𝘯𝘤𝘦,” suno sa kompaniya. “Alternative arrangements are being made to fly the passengers to their destination.” Sa report sang Hindustan Times, ginpahayag sang insider nga ang amo nga tikang ang ginhimo bangud nga isa lang sa 10 ka CR sa Boeing 777-300 ER jet ang mahimo nga ma-usar. Wala nahibaluan kun ano ang rason sang amo nga problema. Ang eroplano ang may capacity nga 342 ka pasahero, lakip na ang 303 nga economy class seats. Base sa FlightAware, ang Flight 126 ang naghalin sa Chicago O’Hare International Airport sang Marso 5, las-10:59 sang aga kag nagbalik sa amo man nga point las-9:08 sang amo man nga adlaw. Ini ang mahugpa kuntani sa Indira Gandhi International Airport sa Delhi. Bangud sini, ginpakamaayo sang kumpanya nga i-refund ang cancellation kag gintanyag ang libre nga booking para sa mga apektado sang insidente. Kag sang gin-check ang toilet, nakita nga nagbara ang mga trapo, bag kag bayo sa inodoro.
