Nagsugod na ang ciudad sa paglibot sa mga district jails para magpatigayon sang orientation sa mga persons deprived of liberty (PDL) agud nga makasulod sa Bacolod City Comprehensive Health Program (BacCHP).
Nagligad nga Marso 24, una nagpatigayon na sang orientation sa mga PDLs sa Bureau of Jail Management and Penology – Metro Bacolod District Jail Male Dormitory sa Barangay Handumanan. Nahibaluan nga sa 900 ka mga PDLs diri, 600 ang residente sang Bacolod.
Sini nga Marso 26, magabisita naman ang BacCHP sa female dormitory. Sa idalum sang BacCHP, nagahatag ang city government sang ₱15,000 coverage sa bill sa hospital sa kada cardholder kag ila nga mga dependents sa walo ka mga partner hospitals sa ciudad.
Magluwas sa BacCHP nagabulig man ang city government sa pila ka mga PDLs nga maka-enroll sa Philippine Health Insurance Corporation ukon PhilHealth.
