Madugay na nga polisa sang Department of Education ang pagdumili sang political activities durante sang graduation kag moving-up ceremonies.
Ginpahayag ni Negros Occidental Schools Division Spokesperson Ian Arnold Arnaez nga ginapahanumdom lamang sang DepEd, paagi sa Department Memorandum No. 27 series of 2025 nga gin-issue ni Secretary Sonny Angara, nga ginadumili ang political activities sa kaangay nga seremonya sa tunga sang election period.
Suno kay Arnaez, sa pihak nga indi malikawan nga maimbetahan ang mga elected officials, kinahanglan nga limitahan ang ila nga speaking engagement ukon pahanumduman ang mga ini nga ang ila mensahe ang dapat nga magtutok sa tema ukon makahatag inspirasyon sa mga kabataan.
Paandam sini, hugot nga ginadumili ang pagkumbinser sa mga tumalambong nga sila ang iboto.
