Nakabaton sang bulig pinansiyal ang 44 ka mga Friends Rescued (FR) ukon mga anay rebelde sa Negros Occidental.
Base sa pahayag ni Lt. Col. Arnel Calaoagan, 24 ka mga anay rebelde ang nag-surrender sa idalom sang 79th Infantry Battalion kun sa diin ini ang nagapamatuod sa padayon nga pagpalapnag sang kalinong kag katawhay sa lugar.
Kada isa sang mga anay rebelde ang nakabaton sang tig-₱30,000 nga bulig pinansyal.
Ang paghatag sang bulig pinansiyal ang isa lamang sa madamo nga mga tikang sa pagsugod sang ila nga pagbag-o.
Luyag sang militar nga magaserbe ini nga inspirasyon para sa iban nga mga rebelde nga magbalik sa gobyerno.
