Nagdangat na sa masobra 1,600 ang death toll sa Myanmar matapos ang 7.7 magnitude nga linog nga na-eksperyensiyahan sang tinalikdan nga Biyernes, Marso 28. Narekord ang sentro sang linog sa northwest nga bahin sang Sagaing City. Ginsundan sang 6.7 magnitude nga aftershock ang amo nga linog matapos ang pila ka minuto. Nagresulta ang linog sang pagkaguba sang mga building, taytay, kag dalan sa pungsod. Base sa statement nga ginpagwa, kapin 1,644 tanan ang ginbawian sang kabuhi, masobra 3,400 ang pilason, kag kapin 139 ang nagapabilin nga missing sa Myanmar. Samtang kapin 10 ang nagtaliwan sa Thailand nga naka-eksperyensiya man sang pagtay-og.
