Wala na sang mas manami pa sang sa isa ka mabugnaw nga ilimnon sa mainit nga panahon sang summer, pero tungod nga nagataas ang presyo sang enerhiya kag nagdamo nga carbon emissions nga naghalin sa refrigeration, panahon na nga makapangita ang tawo sang mas maayo kag mas eco-friendly nga pamaagi sa pagpabugnaw sang ilimnon.
Ang Delta H Innovations, ang isa ka startup business nga nakabase sa London, ang nag-develop sang labing una nga self-cooling nga aluminum can sa kalibutan.
Gintawag ini nga ‘Cool Can’, ginapatihan nga ang ini nga makabag-o nga imbensyon ang kombinasyon sang “clever design” kag chemistry agud magtuhaw ang “magic” pinaagi sa pagpindot lang sang isa ka buton.
Suno sa kompanya, ang Cool Can ang sarang makapabugnaw sang ilimnon sa sulod sini tubtob sa 6-7 degrees Celsius kag mapabilin ini nga cold sa sulod sang 45 minutos.
Kun tulukon ang Cool Can nagapakita nga daw isa lang ini ka normal nga aluminum beverage can, magluwas lang sa dako nga “power” button sa idalum sini.
Ang base sang lata nagaserbe bilang isa ka tago nga suludlan sang tubig, kag kun mapindot ang button, naga-adjust man ang tubig sa space sa tunga sang double aluminum walls sang lata.
Sa tunga sang mga aluminum walls, may yara sang espesyal nga asin nga naga-react sa tubig sa sulod nga amo ang nagapabugnaw sang ilimnon sa sulod.
Wala pa karon sang klaro kun san-o ukon matuod gid nga matupa sa merkado ang Cool Can, pero ang Delta H Innovations nagalaum nga makapadala sang pila ka units para sa testing sa nagkalain-lain nga music festivals sini nga summer.
