Ano ang sarang mo himuon sa pangalan sang social media content? Wala gid makalusot sa kamot sang Cebu City Police ang isa ka lalaki nga vlogger matapos ini nagpatunga sa dalan kag nagpakuno-kuno nga kuhol. Para sa “unique” nga content, nakahalit ini kag nagtuga sang pagpug-ok sang trapiko sa banwa sang Consolacion sa northern Cebu. Madamo sang nalingaw sa content ni Boss LB pero madamo man sang naugot sa gin-ubra sini. Nakita sa social media account sini ang iya video nga nagakamang-kamang sa highway suksok ang iya duag green nga costume. Siya ang nagapakilala man bilang “Snail Man.” Kaangay nga wala labot si Snail Man sa pagpanerbato sang mga salakyan ang iya lang, matapos niya na ang content. Nakakuha sang masobra 18,700 ang reactions sa original video kag masobra 15,000 ang nag-share. Pero ini tanan indi lang pagpakita sang suporta kundi, laban pa sa pangmulay. Bangud sang linibo nga nag-bash sa iya, nagpagwa ini sang public apology pinaagi sa iya social media account kag nagpadulong sa police station. Sa pihak sini, gin-rekomendar sang Highway Patrol Group sa Central Visayas (HPG-7) nga pasakaan si Snail man sang kaso bangud sa abala nga natuga sini. Dugang pa, nagpaandam man ang police station sa iban pa nga mga vloggers nga indi na mag ubra pa sang content nga makaperwisyo sa iban nga mga tawo.
