Agud ma-amligan ang ikaayong lawas sang mga police personnel, nag-hikutar sang libre nga
medical check-up ang Bacolod City Police Office (BCPO)kahapon, Marso 30,2025 sa head quarters Multi-Purpose Gymnasium.
Nag lab-ot sa 108 ka mga kapulisan ang nakabaton sang libre nga laboratory tests nga
gin-updan man sa pakigbahin sang 57 ka mga tinawo halin sa nanari-sari nga police station sa
ciudad.
Ang ini nga inisyatibo ang gin preparar sang Medics For Help sa pagpanguna ni Dr. Leonard
M. Baraquia, isa ka pulmonologist kag medicine lifestyle expert.
Ini ang gin-supervise nanday PLTCOL Romeo M. Vargas sang CARMU/HRDD kag City Director Police Colonel Joeresty P. Coronica.
Magluwas sa konsultasyon, nag-hatag man sang lecture si Dr. Baraquia nahanungod sa risgo sang pagpanigarilyo, pagsaka sang blood sugar levels, kag importansya sang regular nga pag-ehersisyo.
Ginhatagan man sang libre nga bulong kaangay sang Metformin, Losartan, Amlodipine, kag mga nanari-sari nga bitamina ang mga nagpakigbahin.
May follow-up check-up naman ang mga kapulisan sa April 27,2025 agud nga
mapanilagan kag ma track ang kahimsog sang Bacolod City Police.
Suno sa BCPO, ini ang isa sa mga pinaagi para ipakita ang dedikasyon sang ila ahensya sa pagtipig sa ikaayonh lawas sang mga kapulisan.
