Nagtipon ang Muslim community sang ciudad sang Bacolod sa City Public Plaza sini nga aga, Marso 31,2025 bilang kabahin sang pagtakop sang Ramadan kag pagsaulog sang Eid’l Fitr ukon Breaking the Fast.
Base sa social media post sang Bacolod Maranao Muslim Entrepreneurs, ginpahayag sini nga ini ang tion para sa pagtipon kaupod ang mga pinalangga sa kabuhi, magsalo-salo sa pagkaon kag mangin malipayon.
Ang selebrasyon sang Eid’l Fitr ang una na nga gin-anunsyar ni Bangsamoro Grand Mufti Sheikh Abdulrauf Guialani kahapon, Marso 30 kasunod sang ginpatigayon nga moon sighting sa diin may yara sila sang assigned groups sa bilog nga pungsod.
Madumduman nga una na nga gindeklarar sang Malacanang nga holiday bwas nga adlaw, Abril 1 bilang pag-obserbar sang Eid’l Fitr.
