Naghingyo ang pila sa mga manugbaligya sa 29th Panaad sa Negros Festival sang isa ka semana nga extension sa pagbaligya sa Panaad Park sa Bacolod City.
Ginpahayag ni Provincial Administrator Atty. Rayfrando Diaz II nga apektado ang sales sang mga nagabaligya sang mga tanom kag bulak bangud indi makasulod ang pila ka mga salakyan sa Panaad Park.
Nahibaluan nga iban sa mga bumalakal ang luyag nga ipalapit ang ila salakyan sa hardin agud mangin mahapos ang pagkarga sang ginbakal nga mga tanom.
Bangud sini, naghingyo ang garden association sang isa ka semana nga extension agud makabawi karon nga mahimo na makasulod ang mga salakyan sa Panaad.
Suno kay Atty. Diaz, ginhatag sang Provincial Government ang amo nga request sang mga nagabaligya sa garden kag subong man sa Organic Village.
