Nautas ang kabuhi sang 19 ka tawo lakip na ang siyam ka mga kabataan matapos ang missle attack sang Russia sa pungsod Ukraine. Magluwas sa mga nagtaliwan, pilason naman ang 72 ka tawo kun sa diin pinakabata sa mga biktima ang tatlo ka bulan nga lapsag. Dinosena ka mga aparment buildings, anom ka mga education institutes, kag mga balaligyaan ang nagkalaguba bangod sa pagpang-atake sang Russia. Ginpuntariya sang Russian troops ang Kryvyi Rih gamit ang ballistic missile kun sa diin ini ang gindesinyo nga mag-igo sang malapad nga bahin sang propedad kag madamo nga tawo, suno sa Ukrainian General Staff. Samtang padayon nga ginadihon ni United States President Donald Trump ang isa ka kasugtanan nga mangin solusyon nga matapos ang kinagamo. Ang amo nga insidente ang ginkabig nga makakamatay nga pagpang-atake sa lugar.
