Nagbaton sang mini dumptrucks ang 21 ka mga kabaranggayan sa ciudad sang Kabankalan sa ginpatigayon nga turnover kag blessing kaina, Abril 7.
Ginpahayag ni Mayor Benjie Miranda nga ang kada barangay ang magabaton sang isa ka dumptruck nga sarang nila nga magamit para sa benepisyo sang ila mga pumuluyo.
Una na nga nagbaton sang rescue vehicles ang 11 ka iban pa nga barangay sang Kabankalan.
Paathag ni Mayor Miranda, ang ila ginhatag nga multi-purpose vehicles ang depende sa kinahanglanon kag subong man request sang kada barangay.
Ang pundo para sa pagbakal sang amo nga mga salakyan ang gikan sa 5% calamity fund kag savings sang ciudad humalin 2020 tubtob 2023.
Ginklaro naman sang alkalde nga exempted sa election banning ang amo nga proyekto.
Yari ang benepisyaryo nga mga barangay:
1. Barangay 1
2. Barangay 2
3. Barangay 3
4. Barangay 4
5. Barangay Bantayan
6. Barangay Magballo
7. Barangay Binicuil
8. Barangay Tagoc
9. Barangay Daan banua
10. Barangay Salong
11. Barangay Camugao
12. Barangay Inapoy
13. Barangay Camingawan
14. Barangay Tapi
15. Barangay Camansi
16. Barangay Tan-awan
17. Barangay Oringao
18. Barangay Tampalon
19. Barangay Carol-an
20. Barangay Pinaguinpinan
21. Barangay 8