Nagapati si Governor Eugenio Jose Lacson nga indi makaapekto sa local nga ekonomiya sang Negros Occidental ang 17 percent nga taripa nga igaaman sang Estados Unidos sa mga produkto nga gikan sa Pilipinas.
Ginpahayag ni Lacson nga indi man export-producing province ang Negros Occidental rason nga indi ini maapektuhan sang amo nga mandu ni US President Donald Trump.
Suno sa gobernador, mais kag soy beans ang produkto sang agrikultura nga masami nga gina-export sang Pilipinas sa Amerika apang kun lantawon, kulang pa ang gina-prodyuser para sa kinahanglanon diri sa pungsod.
Subong man sini ang sitwasyon sa kalamay kun sa diin sa pihak nga may yara sang sugar quota ang Pilipinas sa US, kulang pa ang produksyon sa ginakonsumo sa pungsod.
Mas manubo naman ang taripa nga igapatuman sang Amerika sa Philippine products ikumparar sa mga gikan kaingod nga Indones kag Thailand kag nagapati si Lacson nga ini ang bangud sa maayo nga pag-abyanay sang Pilipinas kag US.
