Pabor si Bacolod City Congressional Candidate Albee Benitez nga palawigon pa tubtob 5 years ang pagpungko sang mga barangay officials sa pwesto.
Sa Palabra De Honor Segment sang RMN Kilalahon Serye 2025 Townhall Forum, iya ginpahayag nga makapila na ka beses gina isol ang barangay elections kag tion na nga mahatagan sang tyansa ang mga barangay officials nga magserbisyo pa gid sang mas malawig.
Sa pihak nga bahin, una na nga ginpahayag ni Senator Imee Marcos sa iya pagbisita sa probinsya sang Negros Occidental tinalikdan nga bulan nga wala pa sang layi nga may ginpasar nga naga-extend sang terms sang mga barangay and SK Officials.
Sa madumduman, 2023 pa sang nag-issue ang Supreme Court sang desisyon nga sini nga December 2025 patigayunon ang Barangay and SK elections apisar nag-file na ang Commission on Elections (COMELEC) sang motion for reconsideration sa Supreme Court angut sa pag-postpone sang December 2025 BSKE kag pagre-schedule sini sa October 2026.
Sa karon, diskusyunan pa sang Bicameral Conference Committee kun bala apat ukon anum ka tuig nga pagserbisyo ang igahatag sa mga barangay officials.