Pilason ang lalaki nga nagabolante sang prutas matapos nga nabungguan sang Ceres bus ang tricycle nga ginamaneho sini sa dalan Araneta sakop sang Barangay Tangub las-2 sini nga hapon, Abril 7,2025.
Ang biktima ang ginkilala kay Danny Gantalao, 50-anyos, residente sang Barangay Tangub, Bacolod City samtang ang driver sang bus naman nga may ruta Ma-ao- Bacolod ang ginkilala kay Jerry.
Sa inisyal nga interview sang DYHB sa mga saksi, ginpahayag sang mga ini nga halin sur padulong norte ang duha sa diin nagasunod ang ceres sa tricycle sang hinali lang nagpundo ang isa ka salakyan nga may karga ice sa unhan ka tricycle.
Diri ginwarik ni Danny ang iya ginamaneho nga tricycle pa wala nga direksyon kag didto na alang-alang man ang ceres nga nagasunod sa iya kag nabunggu-an ini.
Buka ang isa ka bahin sang windshield sang ceres samtang ginhingahaw naman dala sa ospital ang biktima.
