Ginkilala sang Police Regional Office 6 (PRO-6) bilang top-performing unit sa anti criminality drive ang Negros Occidental Police Provincial Office (NOCPPO) sini nga bulan sang Marso 2025.
Nagapanguna sa listahan sang pinakadamo sang naaresto nga wanted persons ang NOCPPO sa diin 272 ang total arrested individuals sa nasambit nga period. 34 diri ang Most Wanted Persons (MWPs) kag 238 naman ang Other Wanted Persons (OWPs).
Sa kabug-usan, naglab-ot sa 599 ka mga pugante sa Western Visayas ang naaresto sa region-wide crackdown sang Police Regional Office 6 (PRO-6) tinalikdan nga bulan.
Base sa report sang PRO6, masobra 580 ka mga operasyon ang ginpatigayon sa rehiyon sa diin 102 sa mga naaresto ang nalakip sa MWPs list.
Samtang 497 naman ka mga indibidwal ang gintumod bilang OWPs.