Ginpasiguro ni Mayor Benjie Miranda nga ginahimo sang City Government sang Kabankalan ang tanan agud matapna ang pagsaka sang kaso sang typhoid fever.
Ini matapos nga ang Kabankalan City ang may pinakamadamo nga kaso sang typhoid fever sa bilog nga Negros Occidental nga yara sa 96 gikan sa 387 total cases sa probinsiya.
Suno sa alkalde, mataas ang ila nga kaso bangud nga daku man ang ila sini nga populasyon kun ikumparar sa iban nga LGUs.
Ginalantaw ang kontaminasyon sa water supply, particular ang kontaminasyon gikan sa bulong nga ginasabwag sa mga pananom kag subong man ang open defecation ukon pagpamuhin sa bisan diin lang, nga nalakip sa mga rason sang pagsaka sang kaso sang typhoid fever sa ila nga ciudad.
Ginpasiguro naman ni Miranda nga ini ang amat-amat nila nga solbaron agud matapna ang dugang pa nga pagsaka sang kaso.