Ginpabugal sang administrasyon ni Congressional Candidate Albee Benitez ang nalab-utan nga bulig sang Bacolod Comprehensive Health Program (BacCHP) sa diin linibo na ka mga Bacolodnon ang nabuligan sini.
Sang ginpamangkot si Benitez sang isa sa mga panelista sa RMN Kilalahon Serye sa kun ano nga health care programs sa idalom sang iya liderato bilang alkalde sang ciudad ang napuslan sang kadam-an, iya ginsabat nga ila napangitaan sang paagi nga indi na kinahangalan pa magpakitluoy sang mga Bacolodnon nga nagakinahanglan sang atensyon medikal.
Ini bangud pinaagi sa BacCHP, yara na sa kamot sang mga Bacolodnon ang sabat sa ila mga problema sa hospitalisasyon.
As of March 2025, kapin 1, 237 na ka mga Bacolodnon ang nabuligan pinaagi sang partnership sang ciudad sa pito ka mga private hospitals.
Sa idalum sang BacCHP ordinance, ginagarantiya sang ciudad ang P15,000 para sa hospital bills sang kada cardholders kag sang ila mga dependents.