Nakatanom ang Bacolod Environmental and Natural Resources Office (BENRO) sang masobra 4,000 ka mga nanari sari nga mga puno sa Eco Park sang ciudad nga nahamtang sa Bacolod Sanitary Landfill sa Barangay Felisa.
Suno kay Ma. Fe Trespuentes, Head sang BENRO, ginapadamo nila ang fruit bearing trees sang ciudad agud nga ma-develop ang biodiversity nga kondisyon sang ecopark.
Endangered species kag mga matig-a naman nga mga puno sang kahoy ang gintanom sa perimeter areas sang Eco Park.
Ginpahayag ni Trespuentes nga madamo ang mga nagaboluntaryo nga magtanom sang mga puno sa eco park sang ciudad apang kinahanglanon man sang “trees caring” ukon ang magabulig mentinar sang mga puno para mabuhi ang mga ini.
Dugang pa ni Trespuentes, bukas ang ila opisina kun may interesado nga makipagpartnership nga mga organisasyon nga gusto magpatigayon sang ila outreach kag mga environmental activities ukon programs.