Nakuhaan sang ₱27,000,000 nga balor sang ginapatihan shabu ang 50-anyos nga lalaki sa ginpatigayon nga drug buy bust operation sa Purok 6, Barangay Maslog, sa banwa sang Sibulan, Negros Oriental, sang tinalikdan nga Abril 9, 2025.
Ang suspek ang ginkilala nga si alias ‘Eljin’, residente sang Barangay 2, Bais City.
Base sa rekord sang Negros Oriental Police Provincial Office, narekober sa suspek ang apat ka kilo sang ginapatihan shabu, backpack, cell phone, kag buy bust money nga ₱100,000.
Si Eljin ang yara sa listahan sang drugs watchlist kag ini ang ginkabig nga high value individual.
Ginpanginbulahan ni NOPPO Director Police Colonel Ronan Claravall ang operating units sang Provincial Drug Enforcement Unit (PDEU), Provincial Intelligence Unit (PIU), kag Sibulan Municipal Police Station, sa bulig sang Philippine Drug Enforcement Agency Region 7 ang nangin dedikasyon sa pagpatigayon sang madinalag-on nga operasyon.