Nautas ang kabuhi sang anom tanan ka mga sakay sang tourist helicopter matapos nga ini ang naghugpaas sa Hudson River sa New York City. Ang tourist helicopter ang may sakay nga isa ka piloto kag lima ka mga pasahero lakip na ang tatlo ka mga kabataan. Ginkilala ang mga nagtaliwan nga sanday Agustin Escobar, isa ka executive sang kompaniya nga European automation nga Siemens; asawa sini nga si Merce Camprubi Montal; ila mga kabataan nga naga-edad 4, 5, kag 11-anyos; kag ang piloto nga naga-edad 36-anyos. Suno sa mga opisyal, naglab-ot ang helicopter sa George Washington Bridge antes ini nagliko padulong Sur kag amo ang paghugpaas sini. Nahibaluan ang lima ka miyembro sang pamilya ang nagikan sa Barcelona, Spain. Ginpangunahan sa karun sang Jersey City Police Department ang imbestigasyon natuhoy sa amo nga insidente.
