Bilang pasidungog sa mga estudyante nga nag-angkon sang excellent performance sa patag sang Journalism, ang DYHB ang magahatag sang Tatak RMN Journalism Award.
Ang aton awardee sini nga adlaw, Abril 11,2025 amo ang editor-in-chief sang school publication sa Bacolod City National High School nga si Kimberly Jade H. Gargaritano.
Siya ang nangin First Placer sa Sci-Tech Writing-Division Schools Press Conference kag isa sa mga Qualifiers sa Regional Schools Press Conference.
Ang RMN Tatak Journalism Award plaque ang gin-present ni Radyoman Donard Alimpolo sa aton awardee.
Ang DYHB ang nagpili sang pulo ka mga estudyante gikan sa nagkalain-lain nga mga Junior kag Senior High School sa ciudad sang Bacolod kag Negros Occidental nga magabaton sang sini nga award.
Ini nga mga estudyante ang deserving sang sini nga award bangud sang ila ginpakita nga dedikasyon sa pagtuon partikular sa bahin sang journalism.
Ang DYHB RMN Bacolod nagapanginbulahan sa tanan nga mga awardees, Congratulations!