Kabahin lamang sa development sang isa ka lugar amo ang pagpangkay-o sang mga lubak ukon guba nga dalan. Kag siling gani nila, kun mas damo sang ginpakay-o nga dalan, mas ginapakita sini kun ano ka agresibo ang isa ka banwa. Pero pinasahi ang nangin pamaagi sang lokal nga gobyerno sang Montgomery Township sa Pennsylvania, matapos nga nagpakay-o ini sang dalan nga may wavy lane patterns agud nga mahagan-hagan ang trapiko sa lugar. Kun iban pa nga tawo ang pahambalon, daw ginhungod lang guba ang kay-o nga dalan. Pero sa Montgomery, hungod nga gin islan wavy ukon zigzag ang straight lines sa dalan. Kaangay nga daw hubog lang ang naminta diri. Suno sa Montgomery Township officials, ang indi kina-andan nga pattern amo ang nakit-an nga solusyon agud nga malikawan ang pagpadasig maneho sang nga motorista. Pahayag pa sang police sources, ang “traffic-calming measures” ang ginbutang bilang sabat sa madamo nga reklamo sa pila ka dalan nga gingamit nga “speedways.” Apang base sa pila ka nga netizen, daw wlaa man lang ini sa gihapon ginasunod sang mga motorista bangud diretso lang sa gihapon ang ila pagmaneho. Daw palingin lang sa ulo, saad pa sang mga ini. Magluwas sini, may ginbutang man nga traffic cones agud nga ma-anad ang mga drivers sa indi kina-andan nga traffic patterns.
