Nagapati si Bacolod City Congressional Candidate Albee Benitez nga magluwas sa edukasyon, dapat tutukan man ang trainings sa mga K12 graduates agud mangin handa man ang mga ini sa trabaho.
Sa pamangkot sang isa sa mg panelista sa RMN Kilalahon Serye 2025 town hall forum may angut sa kun paano ni Benitez ma-address ang gap sa paghatag sang accessible education sa mga pigado kag deserving nga mga estudyante.
Sabat ni Benitez nga ila man nakita ang kakulangon sang resources nga ginahatag sa mga Universities agud sabton ang pagkinahanglanon sang tanan nga nagasulod nga estudyante.
Amo kun ngaa gindisenyo ang K12 agud gilayon nga makakita trabaho ang mga estudyante nga yara na sa insakto nga edad.
Diri man nagasulod ang Technical Education and Skills Development Authority (TESDA) sa diin ini amo ang mangin taytay agud masolusyunan ang gaps dala sang kakulangon sang mga resources para sa mga estudyante.
Nakita man ni Benitez nga madamo sang nga estudyante ang wala na sang gana pa magpursige eskwela sa college kag ang gusto nalang amo ang makakita trabaho, kag ini, amo ang butang nga dapat tutukan kag hatagan sang nakaigo nga pagkinahanglanon.