Pagakuhaon sa donasyon sang Palasyo sang Malacañang ang pundo sa pagsustenir sang Community Kitchens sang Provincial Government sa mga evacuation centers kutob sa bulan sang Mayo.
Ginpahayag ni Governor Bong Lacson nga matapos ang ikatatlo nga hugnat sang pag-operate sang Community Kitchens, magadulog ini sang pila ka inadlaw apang liwat naman ini nga magabalik sa masunod nga semana.
Una na nga ginpahayag sang Provincial Social Welfare and Development Office (PSWDO) nga kutob lamang sa Abril 13, Domingo, ang third wave sang community kitchens.
Suno kay Governor Lacson, ang una kag ikaduha nga hugnat sang pagpakaon sa mga evacuees ang ginkuha sa nabilin nga pundo sang probinsiya sadtong 2024 samtang ang ikatatlo kag ikaapat ang pagakuhaon naman sa P50 million nga gin-donar sang Malacañang.
Pagkatapos sini, suno sa gobernador, pagakuhaon na sa 2025 nga pundo sang Provincial Government ang pag-mentinar sang community kitchen.