Ginlaragway ni Bacolod City Councilor Em Ang nga overwhelming ang suporta nga ginapakita sang mga pumuluyo sa Team Asenso sa sulod sang ila duha ka semana nga pagpatigayon sang handshaking kag caucus sa mga barangay sa ciudad.
Nalipay man si Ang sa pagbaton sa ila sang mga barangay pati man sa mga leaders kag supporters sang Team Asenso.
Ginpahayag ni Ang nga sa paglibot sang Team Asenso, kalabanan nga mga concern nga ginapalab-ot sang mga Bacolodnon amo ang problema sa medikal nga kun diin nagakinahanglanon ang mga ini sang bulong kag treatment.
Dugang pa sa concern sang mga Bacolodnon amo ang dalan, footwalks, baha, kag drainage.
Kaina lamang sang aga, nagpatigayon sang handshaking ang Team Asenso sa Barangay 29 kag Barangay 32 ciudad sang Bacolod.
Karon naman sa gab-i, magapadulong ang Team Asenso sa Barangay Bata ciudad sang Bacolod agud nga magpatigayon sang caucus.