Halos wala naapektuhan ang banwa sang Moises Padilla sa nagluntad nga explosive eruption sa Bulkan Kanlaon tinalikdan nga Abril 8.
Ginpahayag ni Mayor Ella Celestina Yulo nga may pila ka pumuluyo nga nakabatyag sang paglupok apang madasig lamang ang nangin epekto sini samtang tuman ka gamay naman ang nangin epekto sini sa ila nga agrikultura.
Nahibaluan nga wala sang evacuees ang banwa sang Moises Padilla sa nakaligad nga pag-alburuto sang Kanlaon apang sa pihak sini, nagpatigayon sang nagakaigo nga preparasyon ang banwa.
Isa na diri ang pagpirma sang memorandum of agreement upod sa City Government sang Guihulngan, Negros Oriental agud may kadtuan sila pananglitan nga kinahanglan mag-evacuate ang ila mga pumuluyo.
Aminado ang alkalde nga kun may evacuation, nagapanguna nga kinahanglanon ang matinlo nga tubig rason nga nagbakal ang banwa sang wat