Ginahibalo kag gina-imbestigaran sa karun sang committee screening sang Samahan ng mga Taxi Drivers sa Bacolod (SMTDB) kun miyembro sang grupo ang taxi driver nga ginareklamo sang pasahero agod mahatagan sang nagakaigo nga penalidad.
Ginpahayag ni Ronald Allan Salgado, presidente sang SMTDB, kun mahibaluan nga miyembro sang ila grupo ang taxi driver nga gina-alegar nagreklamo sa pasahero bangod lapit lamang ang padulungan sini, ini ang igapaidalom sa community work para sa first offense; sa second offense naman, ini ang magabayad sang penalidad nga P1,500; samtang sa third and last offense, amo ang pagkanselar sang iya membership kag benepisyo sa grupo.
Gina-abisohan ni Salgado ang tagsa ka mga taxi drivers nga magbase sa taxi meter sa pagpanukot sang plete sa mga pasahero ano man kalayo sang distansya nga ila padulungan.
Samtang sa mga pasahero naman, ginapakamaayo ni Salgado nga pangayuan ang driver sang recibo bangod yara dira nakabutang ang plate number sang taxi kag number sang taxi operator kun sila ang may mga concern.