Ginahulat pa ang approval sa nangin rekomendasyon sang Provincial Joint Security Control Center (PJSCC) sang Negros Occidental sa pagpaidalom sang banwa sang Candoni sa orange category may angot sa Mayo 12 nga National and Local Elections.
Ginpahayag ni Provincial Election Supervisor Atty. Ian Lee Ananoria nga ang Commission on Elections en banc amo ang naga-aprubar sang classifications sang mga LGUs angot sa eleksyon.
Nahibaluan nga ang pagpaidalom sa Candoni sa Orange category ang bangud sang armed threats sa banwa.
Ang nabilin nga mga lugar sa Negros Occidental ang nagapabilin naman sa Green category ukon generally peaceful.
Samtang, ginalantaw na sang Comelec nga labi pa nga magainit ang away-politika sa probinsiya sang Negros Occidental samtang nagahilapit ang adlaw sang eleksyon.
Suno kay Ananoria, nagdihon na sila sang deployment kag security plans sa adlaw sang binotohay.