Nagdangat na sa 1,692 ang na-record nga kaso sang Dengue Fever sa probinsiya sang Negros Occidental, as of April 19, 2025.
Ini ang mas madamo sang 1,309 ka kaso ukon 341.78 percent nga mas mataas kun ikumparar sa 383 ka mga kaso nga na-record sa kaangay nga period sang nagligad nga tuig.
Nagapanguna sa gihapon ang ciudad sang Bago nga may pinakamadamo nga kaso nga nagdangat sa 333.
Angot sini, ginpahayag ni Provincial Health Officer Dr. Girlie Pinongan nga sa pihak nga padayon nga nagataas ang numero sang natapikan sang Dengue sa probinsiya, naghagan-hagan naman ang kadamuon sang nagadugang nga kaso.
Ginkumpirmar man ni Pinongan nga nagapabilin nga pito ang ginbawian sang kabuhi bangud sini nga masakit nga makuha gikan sa kagat sang lamok kun sa diin ang pinakaulihi nga napatay ang gikan sa ciudad sang Bago.