Ginpasiguro ni Binalbagan Mayor Alejandro Mirasol nga kontrolado na ang nagluntad nga molasses spill sa suba gikan sa malapit nga sentral nga nag-apekto sa apat nila ka mga barangay.
Suno sa alkalde, temprano pa kaina sang aga sang nag-deploy ang Bantay Dagat agud matipon kag mapahigad ang naglapta nga molasses nga pagakuhaon naman sang mga tinawo sang sentral.
Dugang pa sini, indi man tuman kadaku ang nagluntad nga fish kill sa suba kag indi man tuman kadamu sang manugpangisda nga apektado bangud kalabanan sa mga ini ang sa baybay nagakuha sang isda.
Ginpasiguro naman ni Mayor Mirasol nga magapanabat ang BISCOM apang ginklaro nga magadepende ini sa Environmental Management Bureau (EMB).