Nagapanguna nga prayoridad ni Miguel Angelo Yulo ang pagpasemento sang mga dalanon sa mga kabaranggayan kag sa nabukid nga bahin sang banwa sang Isabela sa tion nga ini ang makapungko na nga alkalde.
Suno kay To Miguel Yulo, sa iya paglibot upod sa iya vice-mayoral candidate nga si Renato Malabor Jr kag mga konsehal sang Team Pala Amigo, ginamuno gid ini sang mga pumuluyo angot sa ila handum nga mapakay-o ang ila mga dalan.
Nagapati si To Miguel Yulo nga kalabanan sa problema sang mga pumuluyo ang nagaugat sa gubaon nga dalan.
Sa sini, mangin number one priority ni To Miguel Yulo kag sang Team Pala Amigo ang pagpasemento sang dalan sa barangay proper kag nabukid nga mga lugar agud mapalapit kag mahatagan sang access ang mga pumuluyo sa government services, healthcare kag maimprobar man ang ila kalidad sang kabuhi.
Si Miguel Yulo sang Team Pala Amigo number two sa balota sa pagka-alkalde sang banwa sang Isabela.