Ginalauman sang Commission on Elections (COMELEC)- Negros Occidental nga mangin madasig lang ang proklamasyon sang mga magadaog sa May 12, 2025 elections basta wala lang sang mangin problema sa Automated Counting Machine (ACM).
Sa interview sang DYHB kay Provincial COMELEC Supervisor, Atty. Ian Lee Ananoria, ginpahayag sini nga sa ila pagpatigayon sang roadshows tinalikdan nga mga binulan, wala man sila sang may mga nakita nga problema sa ACMs.
Dugang pa sini nga kun las-7 sang gab-i ma sira ang pagbinotohay, ginapaabot nga kun mag las-11sang gab-i, matapos na inisipay ang City kag Municipality levels. Samtang, ginalantaw nga las-8 sang aga sang May 13 naman matapos ang sa Probinsya kag paglab-ot sang 12 noon, makaproklamar na sang winners.
Paathag ni Ananoria nga ini tanan ang posible lang matabo kun wala sang may matabo nga problema sa mga ACMs sa adlaw sang eleksyon.
Sa pihak nga bahin, ginpahayag ni Ananoria nga 98 percent na sa mga ACMs ang nakaabot sa Probinsya kag ang pito nga kulang ang ginapaabot sini April 24.
Naka-schedule naman sini nga May 7 ang testing sang mga machines.